គ្រឹះស្ថានមីក្រូហិរញ្ញវត្ថុ មហានគរ ភីអិលស៊ី គឺជាគ្រឹះស្ថានឯកជន ដែលផ្តល់ជូននូវសេវាកម្មហិរញ្ញវត្ថុដល់ប្រជាជនកម្ពុជា ជាមួយនឹងតំបន់ប្រតិបត្តិការទូទាំង ២៥ខេត្តក្រុង និងរាជធានី ដើម្បីចូលរួមចំណែកក្នុងការអភិវឌ្ឍសេដ្ឋកិច្ច និងសង្គមជាតិ ។ ឆ្លើយតបទៅនឹងការរីកចម្រើនជាបន្តបន្ទាប់ គ្រឹះស្ថាន​ត្រូវការជ្រើសរើស  ហេរញ្ញិក  (Teller) ចំនួន  ២០នាក់ សម្រាប់បម្រើការងារនៅតាមបណ្តាសាខាដូចខាងក្រោម៖

1. សាខាខណ្ឌចំការមន          
2. សាខាខណ្ឌព្រែកព្នៅ         
3. សាខាខណ្ឌជ្រោយចង្វារ      
4. និង សាខាខណ្ឌច្បារអំពៅ ។

• កម្រិតវប្បធម៌ចាប់ពីថ្នាក់បរិញ្ញាបត្រឆ្នាំទី៣ ឡើងទៅ
• ជានីតិជន ដែលមានសញ្ជាតិខ្មែរ
• មានអាយុចាប់ពី ១៨ឆ្នាំ រហូតដល់ ៣០ឆ្នាំ
• អាចប្រើប្រាស់ភាសាអង់គ្លេស និងកម្មវិធីកុំព្យូទ័រ (Ms. Office)
• មានលក្ខណសម្បត្តិសមរម្យ ការប្រាស្រ័យទាក់ទងល្អ មានភាពរួសរាយរាក់ទាក់ និងមានឥរិយាបថចេះបម្រើអតិថិជន
• មានភាពស្មោះត្រង់ ម៉ឺងម៉ាត់ និងឆន្ទៈខ្ពស់ក្នុងការងារ ។

• សិក្សា និងអនុវត្តឲ្យបានល្អ ត្រឹមត្រូវ ច្បាស់លាស់ និងអភិវឌ្ឍន៍ឲ្យទាន់សម័យជានិច្ចនូវគោលការណ៍ នីតិវិធី និងសេចក្តីណែនាំនានា ដែលពាក់ព័ន្ធនឹងតួនាទីឲ្យមានប្រសិទ្ធភាពខ្ពស់
• អនុវត្តកិច្ចការបញ្ចេញ និងទទួលសាច់ប្រាក់ពីអតិថិជន ក្នុងតំបន់ប្រតិបត្តិការដែលខ្លួនទទួលខុសត្រូវឲ្យមានប្រសិទ្ធភាព
• រៀបចំគ្រប់គ្រងសាច់ប្រាក់ បិទបញ្ជីសាច់ប្រាក់ ដោយធ្វើការប្រៀបធៀបសាច់ប្រាក់ ជាក់ស្តែង ធៀបជាមួយនឹងបញ្ជីឲ្យបាន ត្រឹមត្រូវ ច្បាស់លាស់ និងទាន់ពេលវេលា
• ធ្វើកិច្ចការផ្សេងៗទៀតតាមតម្រូវការរបស់អ្នកគ្រប់គ្រង ។

អត្ថប្រយោជន៍ទទួលបាន

• ប្រាក់បៀវត្សសមរម្យ និងប្រាក់លើកទឹកចិត្តប្រចាំខែ
• ប្រាក់ឧបត្ថម្ភការសិក្សាជំនាញ និងបណ្តុះបណ្តាលជំនាញបន្ថែម
• ប្រាក់ឧបត្ថម្ភលំហែមាតុភាព (បុគ្គលិកនារី)
• ប្រាក់ឧបត្ថម្ភតំបន់ (សម្រាប់សាខាឆ្ងាយ) និងប្រាក់ឧបត្ថម្ភមុខតំណែង
• ប្រាក់បុព្វលាភសម្រាប់បុណ្យចូលឆ្នាំប្រពៃណី និងបុណ្យភ្ជុំបិណ្ឌ
• ផ្តល់កន្លែងស្នាក់នៅឲ្យបុគ្គលិកបម្រើការងារតាមបណ្តាខេត្តនានា
• ប្រាក់ឧបត្ថម្ភសំលៀកបំពាក់
• ប្រាក់សោធននិវត្តន៍ និងបេឡាជាតិរបបសន្តិសុខសង្គម

ពាក្យសុំបម្រើការងារចែកជូនដោយ ឥតគិតថ្លៃ  នៅការិយាល័យកណ្តាល គ្រប់បណ្តាសាខាទូទាំងខេត្តក្រុង និងគេហទំព័ររបស់ គ្រឹះស្ថានមីក្រូហិរញ្ញវត្ថុ មហានគរ ភីអិលស៊ី ដោយភ្ជាប់មកជាមួយនូវឯកសារថតចម្លងដូចជា៖   សញ្ញាបត្រ    អត្ត​​សញ្ញាណ​​​ប័ណ្ណ    សៀវភៅគ្រួសារ   ឬសៀវភៅ   ស្នាក់នៅ  ប័ណ្ណបើកបរ និង លិខិតបញ្ជាក់ផ្សេងៗ​ ។

ទទួលពាក្យចាប់ពីថ្ងៃផ្សាយដំណឹងនេះតទៅ រហូតដល់ ថ្ងៃទី៣០  ខែមិថុនា  ឆ្នាំ២០១៧  វេលាម៉ោង ៤: ៣០ល្ងាច ៕