កាក់កប ហ្វាយនែន ភីអិលស៊ី (KAKKORB FINANCE PLC) ត្រូវបានបង្កើតឡើងនាថ្ងៃទី០១ ខែកញ្ញា ឆ្នាំ២០១៤ ដើម្បីឆ្លងតបនឹងតម្រូវការឥណទានខ្នាតតូចបំផុតរបស់គ្រួសារក្រីក្រកម្ពុជានៅទីជនបទ ក៏ដូចជានៅតាមទីប្រជុំជន ដែលមិនអាចទទួលបានសេវាកម្មឥណទានពីធនាគារ ឬគ្រឹះស្ថានមីក្រូហិរញ្ញវត្ថុ ដោយសារមានលក្ខខណ្ឌមិនគ្រប់គ្រាន់នានា ឬទទួលបានសេវាកម្មដែលមានអត្រាការខ្ពស់។ កាក់កប ហ្វាយនែន បានចាប់ផ្តើមអនុវត្តគម្រោងឥណទានរបស់ខ្លួនជាយុទ្ធវិធីមួយ ដើម្បីចូលរួមចំណែកក្នុងការកាត់បន្ថយភាពក្រីក្ររបស់ក្រុមគ្រួសារជាពិសេស កសិករ កម្មករ និងអាជីវករដែលចំណាកស្រុក។ កាក់កប ហ្វាយនែន បានចុះបញ្ជីជាអង្គការក្រៅរដ្ឋាភិបាលពីក្រសួងមហាផ្ទៃនៃព្រះរាជាណាចក្រកម្ពុជា និងធនាគារជាតិនៃកម្ពុជាជាប្រតិបត្តិករឥណទាន ដើម្បីធ្វើប្រតិបត្តិការសេវាកម្មហិរញ្ញវត្ថុដូចជាសេវាកម្មប្រាក់កម្ចី និងសេវាកម្មហិរញ្ញវត្ថុនានាដែលឆ្លើយតបនឹងតម្រូវអតិថិជន ដែលបាននាំមកនូវអត្ថប្រយោជន៍ទាំងអស់គ្នាយូរអង្វែង។

• យ៉ាងហោចណាស់មានសញ្ញាប័ត្រថ្នាក់បរិញ្ញាបត្រ ឬកំពុងសិក្សាថ្នាក់បរិញ្ញាប័ត្រ លើជំនាញផ្នែកគណនេយ្យ ហិរញ្ញវត្ថុ និងធនាគារ ឬជំនាញដែលពាក់ព័ន្ធផេ្សងទៀត
• មានបទពិសោធន៍ ត្រូវបានលើកទឹកចិត្ត
• អាចប្រើប្រាស់ភាសាអង់គ្លេសក្នុងការទំនាក់ទំនងបាន កាន់តែប្រសើរ
• អាចប្រើប្រាស់កុំព្យូទ័រដូចជា Ms. Office និងកម្មវិធីគណនេយ្យនានាកាន់តែប្រសើរ 
• មានភាពរួសរាយរាក់ទាក់ និងមានការប្តេជ្ញាចិត្តធ្វើការជាមួយប្រជាជនក្រីក្រនៅក្នុងសហគមន៍

• ធ្វើបដិសណ្ឋារកិច្ច និងផ្តល់ព័ត៌មានស្តីពីផលិតផល និងសេវាកម្មដល់អតិថិជន
• ធ្វើការទំលាក់ទុន ប្រមូលប្រាក់ និងគ្រប់គ្រងសមតុល្យសាច់ប្រាក់ជារៀងរាល់ថៃ្ង
• ត្រួតពិនិត្យសក្ខីប័ត្រ វិក្កយបត្រ និងឯកសារបញ្ជីការនានានៅក្នុងសាខា
• ផ្ទៀងផ្ទាត់សាច់ប្រាក់ និងរៀបចំរបាយការណ៍ប្រចាំថៃ្ង និងប្រចាំខែ
• កត់ត្រាប្រចាំថៃ្ងក្នុងសៀវភៅសាច់ប្រាក់របស់កាក់កប ហ្វាយនែនឲ្យទាន់ពេលវេលា
• រក្សា និងគ្រប់គ្រងសមតុល្យសាច់ប្រាក់ជាប្រចាំថ្ងៃ។

បេក្ខជន បេក្ខនារីដែលមានចំណាប់អារម្មណ៍ក្លាយជាសមាជិកគ្រួសាររបស់កាក់កប ហ្វាយនែន និងគិតថាអាចបំពេញ​ការងារណាមួយដូចបានរៀបរាប់ខាងលើសូមផ្ញើប្រវត្តិរូបសង្ខេបដែលបញ្ជាក់ច្បាស់ពីចំណេះជំនាញ និង/ឬបទពិសោធន៍ការងារ ដោយភ្ជាប់រូបថតទំហំ 4x6 មកកាន់កាក់កប ហ្វាយនែន តាមរយៈអ៊ីម៉ែល៖ info@kak-cambodia.com ឬទំនាក់ទំនងព័ត៌មានលម្អិតបន្ថែមតាមរយៈទូរសព្ទ 087 702 777 / 087 777 886 ឈប់ទទួលពាក្យត្រឹមថ្ងៃទី២៥ ខែ
មិនា ២០១៧វេលាម៉ោង ១៧: ​ ០០ នាទី។