អង្គការរូមធូរីដជាអង្គការមិនមែនរដ្ឋាភិបាលមិនប្រកាន់សាសនានិងមិនរកប្រាក់ចំណេញ។ យើងបំពេញការងារដោយសហប្រតិបត្តិការជាមួយ សហគមន៍មូលដ្ឋាន អង្គការនានា និង រដ្ឋាភិបាលក្នុងភាពជាដៃគូដើម្បី អភិវឌ្ឍន៍បំណិនអាន និង ទម្លាប់អានដល់កុមារនៅបឋមសិក្សា។ បច្ចុប្បន្ន យើងកំពុងប្រតិបត្តិការក្នុងប្រទេស នេប៉ាល់ បង់ក្លាដេស ឥណ្ឌា ស្រីលង្កា វៀតណាម កម្ពុជា ឡាវ អាហ្រ្វិកខាងត្បូង តង់ហ្សានី និងហ្សាំបៀ។ យើងត្រូវការជ្រើសរើស ដើម្បីបម្រើការងារ ពេញម៉ោង  ប្រចាំស្រុកគោលដៅរបស់អង្គការរូមធូរីដ តាមចំនួនដូចខាងក្រោម ៖

• បុគ្គលិកទទួលបន្ទុកការងារកម្មវិធីអប់រំកុមារី (Social Mobilizers)
  • ខេត្តព្រៃវែង ស្រុក ពារាំង ១ នាក់
  • ខេត្តកំពង់ចាម ស្រុក កងមាស ៣ នាក់
  • ខេត្តសៀមរាប ស្រុក សូទ្រនិគម និងជីក្រែង ២ នាក់

• លក្ខណៈសម្បត្តិចាំបាច់ក្នុងការជ្រើសរើស ៖
  • អ្នកដាក់ពាក្យត្រូវតែជាបេក្ខនារី
  • មានសញ្ញាបត្រមធ្យមសិក្សាទុតិយភូមិ ឬបរិញ្ញាបត្រខាងចិត្តវិទ្យា សង្គមវិទ្យា អប់រំ ឬសញ្ញាបត្រដែលពាក់ព័ន្ធ
  • មានបទពិសោធន៍ពីរឆ្នាំក្នុងការធ្វើការជាមួយសហគមន៍ និងដឹកនាំការបណ្តុះបណ្តាលជាមួយកុមារ យុវជន
  • មានសមត្ថភាពចាត់ចែង និងដឹកនាំសកម្មភាពកម្មវិធី
  • ចេះបើកបរម៉ូតូ និងធ្វើដំណើរញឹកញាប់ទៅសាលាគោលដៅ និងជួបកុមារី
  • មានសមត្ថភាពដោះស្រាយបញ្ហា បង្ហាត់បង្ហាញ និងផ្តល់យោបល់ដល់កុមារី
  • បេក្ខនារី/បេក្ខជនដែលមានទីលំនៅនៅស្រុកគោលដៅ និងស្រុកដែលនៅជាប់ស្រុកគោលដៅនឹងត្រូវបានផ្តល់អាទិភាព
• លក្ខណៈសម្បត្តិបន្ទាប់បន្សំ ៖
  • ចេះភាសាអង់គ្លេសខ្លះៗកាន់តែប្រសើរ
  • ចេះប្រើប្រាស់កុំព្យូទ័រកម្មវិធីរដ្ឋបាល
  • ចេះរក្សាទុកឯកសារឱ្យបានត្រឹមត្រូវ
  • មានភាពស្មោះត្រង់ចំពោះការងារ និងអង្គភាពទាំងមូល

• ភារកិច្ចរួម ៖
  • បុគ្គលិកទទួលបន្ទុកការងារកម្មវិធី ទទួលខុសត្រូវក្នុងការសម្របសម្រួលការអនុវត្តសកម្មភាពការងាររបស់កម្មវិធីអប់រំកុមារីនិងធានាឱ្យមាននិរន្តភាពក្នុងទំនាក់ទំនងរវាងកុមារីនិងបុគ្គលិកកម្មវិធី។ភារកិច្ចរួមគឺត្រូវបំពេញការងារយ៉ាងជិតស្និទ្ធជាមួយសាលា កុមារី មាតាបិតា ឬអាណាព្យាបាលរបស់ពួកគេ នៅតាមសហគមន៍ដើម្បីអនុវត្តន៍កម្មវិធីឱ្យទទួលបានជោគជ័យ។
• ភារកិច្ចនិងការទទួលខុសត្រូវចម្បងៗ ៖
  • ការអនុវត្តកម្មវិធី
    • ដឹកនាំសម្របសម្រួលកិច្ចប្រជុំ និងសិក្ខាសាលាជាមួយកុមារី ឳពុកម្តាយនិងសហគមន៍
    • ធ្វើការសម្របសម្រួល និងបង្កើតក្លឹបសិក្សានៅតាមសាលា និងគ្រប់គ្រងដំណើរការរបស់វា
    • ប្រមូល និងរក្សាទុករាល់ឯកសារទាក់ទឹននិងកម្មវិធីនានានៅតាមសាលា វគ្គបំណិនជីវិត និងការផ្តល់យោបល់
  • ការងារជាមួយកុមារី
    • ដឹកនាំ និងសម្របសម្រួលវគ្គបណ្តុះបណ្តាល បំណិនជីវិតដល់កុមារី
    • ផ្តល់ការបង្ហាត់បង្ហាញ និងផ្តល់យោបល់ដល់កុមារី

ប្រាក់ខែនិងអត្ថប្រយោជន៍ទទួលបាន ៖

រូមធូរីដផ្តល់ជូនប្រាក់ខែនិងអត្ថប្រយោជន៍ផ្សេងៗមានភាពប្រកួតប្រជែងទៅតាមតម្លៃទីផ្សារការងារ។  ផលប្រយោជន៍រួមមានប្រាក់ខែទី១៣ ប្រាក់សន្សំប្រចាំខែ ប្រាក់សុខភាពប្រចាំខែ ប្រាក់ថ្លៃសាំងម៉ូតូប្រចាំខែ ប្រាក់ពិនិត្យសុខភាពប្រចាំឆ្នាំ ការធានារ៉ាប់រងគ្រោះថ្នាក់និង សុខភាពសម្រាប់ សាម៉ីខ្លួននិងគ្រួសារ។ ផលប្រយោជន៍ផ្សេងទៀតរួមមាន ការឈប់សម្រាកប្រចាំឆ្នាំ ការអភិវឌ្ឍសមត្ថភាព ជាដើម។

ការដាក់ពាក្យ ៖

បើបេក្ខនារី/បេក្ខជនមានចំណាប់អារម្មណ៍សូម ស្នើសុំពីការិយាល័យ អង្គការរូមធូរីដប្រចាំខេត្តឬសុំពីការិយាល័យប្រចាំប្រទេសនៅរាជធានីភ្នំពេញ។ សូមផ្ញើប្រវត្តិរូបសង្ខេប (Resume) លិខិតបញ្ជាក់ពីចំណាប់ អារម្មណ៍ការងារ (Cover Letter) និងបញ្ជាក់ពីស្រុកគោលដៅដែលខ្លួនចង់បម្រើការងារ ព្រមទាំងភ្ជាប់មក ជាមួយនូវ សញ្ញាបត្រផ្សេងៗដែល មានក្នុងសំបុត្របិទជិត មកកាន់ការិយាល័យប្រចាំខេត្តឬផ្ញើផ្ទាល់តាមរយៈអ៊ីម៉ែលមកនាយកដ្ឋានធនធានមនុស្ស នៃ អង្គការរូមធូរីដដែលមាន អាសយដ្ឋានដូចខាងក្រោម៖

• ការិយាល័យប្រចាំខេត្តកំពង់ចាមៈ សាលាគរុកោសល្យ និងវិក្រឹត្យការខេត្តកំពង់ចាមដែលស្ថិតក្នុងភូមិ៦ សង្កាត់វាលវង់  ទូរស័ព្ទៈ ០៤២ ៩៤២ ៤៣៣
• ការិយាល័យប្រចាំខេត្តសៀមរាប: ផ្ទះលេខ ២៣៧ ក្រុម ៤ ភូមិសាលាកំរើក សង្កាត់សាលាកំរើក ក្រុងសៀមរាប ទូរស័ព្ទៈ ០៦៣ ៦៣៣ ៦១១១
• ការិយាល័យប្រចាំខេត្តព្រៃវែងៈ បរិវេណមន្ទីរអប់រំ យុវជន និងកីឡា ដែលស្ថិតក្នុងភូមិលេខ ២ សង្កាត់កំពង់លាវ ក្រុង/ខេត្តព្រៃវែង។ ទូរស័ព្ទៈ ០៤៣ ៦៥០ ៤៤២០/០៩២ ៣៣៦ ១៧១
• ការិយាល័យប្រចាំខេត្តកំពង់ធំៈ ផ្ទះលេខ ៦៨៣ ផ្លូវលេខ ៧ ភូមិកំពង់ធំ សង្កាត់កំពង់រទេះ ក្រុងស្ទឹងសែន ខេត្តកំពង់ធំ។ ទូរស័ព្ទៈ ០៦២ ៦៣៦ ៩៩៨
• ការិយាល័យប្រចាំប្រទេសៈ ផ្ទះលេខ ១១១ ផ្លូវលេខ ៥៦៦ សង្កាត់បឹងកក់២ ខណ្ឌទួលគោក រាជធានីភ្នំពេញ ទូរស័ព្ទៈ ០២៣ ៨៨១ ១៦១/៨៨១ ១៧១

រូមធូរីដមានការជ្រើសរើសប្រកបដោយតម្លាភាព និងផ្តល់ឱកាសស្មើៗគ្នាដល់ បេក្ខនារី/បេក្ខជនទាំងអស់។ បេក្ខនារី/បេក្ខជនដែលមិនមាន លក្ខណៈសម្បត្តិណាមួយក្នុងចំណោមលក្ខណៈសម្បត្តិចាំបាច់ខាងលើ ហើយនិងមិនបាន បញ្ជាក់ពី ស្រុក គោល ដៅដែលខ្លួនចង់បម្រើការងារ  នឹងមិនត្រូវបានពិចារណាក្នុងដំណើរការជ្រើសរើសសម្រាប់ធ្វើសម្ភាសន៍ទេ។បេក្ខនារី/បេក្ខជនដែលមានលក្ខណៈ សម្បត្តិបន្ទាប់បន្សំច្រើនចំណុច នឹងត្រូវបានផ្តល់អាទិភាព។

ទទួលពាក្យចាប់ពីថ្ងៃជូនដំណឹងនេះតទៅ រហូតដល់ថ្ងៃទី ០១ ខែ សីហា ឆ្នាំ ២០១៦ វេលាម៉ោង ៥.០០ល្ងាច។