បណ្តាញអ្នករស់នៅជាមួយមេរោគអេដស៍ក្នុងព្រះរាជាណាចក្រកម្ពុជាគឺជាបណ្តាញថ្នាក់ជាតិដែលបានបង្កើតឡើងដោយក្រុមអ្នករស់នៅជាមួយមេរោគអេដស៍និងអ្នករងផលប៉ះពាល់។ បណ្តាញនេះត្រូវបានបង្កើតឡើងនៅឆ្នាំ២០០១ ដើម្បីឆ្លើយតបការរីករាលដាលយ៉ាងឆាប់រហ័សនៃ មេរោគអេដស៍នៅព្រះរាជាណាចក្រកម្ពុជាបច្ចុប្បន្ននេះ CPN+ មានបណ្តាញ (Network) ចំនួន ១៩ ខេត្ត និងមានក្រុមជួយខ្លួនឯង (SHG) ចំនួន១,០៧៨ ក្រុម ដែលមានសមាជិកក្រុម ២៤,៦៣៧នាក់ ហើយក៏មានមណ្ឌលមិត្តជួយមិត្ត (MMM) ចំនួន ៣៥កន្លែង នៅក្នុងមន្ទីរពេទ្យបង្អែក ឬស្រុកប្រតិបត្តិ ដែលមានសមាជិកសរុបចំនួន ២៦,៧០៨នាក់។ CPN+ គឺជាបណ្តាញដែលតំណាង ឲ្យសំលេងរបស់អ្នករស់នៅ ជាមួយមេរោគអេដស៍ និងក្រុមប្រឈមមុខខ្ពស់ដើម្បីធ្វើឲ្យមាន ការចូលរួម យ៉ាងពេញលេញ ក្នុងការអភិវឌ្ឍន៍ការ អនុវត្តគម្រោង ការធ្វីគោលនយោបាយ និងការបង្កើតកម្មវិធីក្នុង ការ កាត់បន្ថយការចំលងមេរោគអេដស៍ឆ្ពោះទៅ សំរេចផែនការយុទ្ធសាស្រ្តថ្នាក់ជាតិ៣.០។

អ្នករស់នៅជាមួយមេរោគអេដស៍ដើរតួនាទីយ៉ាងសំខាន់ ក្នុងការឆ្លើយតបទៅនឹងមេរោគអេដស៍ក្នុងព្រះរាជាណាចក្រកម្ពុជា រួមបញ្ចូលទាំងការស្វែងរកការគាំទ្រ ការបង្កើតគោលនយោបាយ ការបង្កើតគម្រោងកម្មវិធី និងចូលរួមធ្វើការសំរេចចិត្តទាក់ទងនឹងឱសថ ធនធានសំភារៈ រាងកាយ សតិអារម្មណ៍ និងការគាំទ្រផ្លូវចិត្តដល់អ្នករស់នៅជាមួយមេរោគអេដស៍។

• មានប័ណ្ណបើកបរដែលមានសុពលភាព
• មានបទពិសោធបើកបរយ៉ាងតិច ២ឆ្នាំ
• មានកាយសម្បទាគ្រប់គ្រាន់និងសុខភាពល្អ ចេះជួសជុលរថយន្ត និងភាសាអង់គ្លេសខ្លះកាន់តែប្រសើរ
• ស្គាល់ស្ថានភាពផ្លូវ នៅភ្នំពេញ​និងបណ្ដាខេត្ត
• អ្នករស់ជាមួយមេរោគអេដស៏ត្រូវបានផ្តល់អត្តិភាព

• បើកបរជូនបុគ្គលិកCPN+នៅក្នុងរាជធានីភ្នំពេញ និងទៅបណ្តាខេត្តដោយធានាអោយមានសុវត្ថិភាព។
• ថែរក្សារថយន្ត និងយានជំនិះ របស់CPN+ ដោយធានាអោយមានប្រេង ទឹក និងសម្ពាធកង់រថយន្តគ្រប់ពេលវេលា។
• កត់ត្រាកំណត់ហេតុរថយន្តនិងម៉ូតូជាប្រចាំថ្ងៃ, រួមទាំង ចំងាយផ្លូវ និងគោលបំណងនៃការធ្វើដំណើរនៅ​ក្នុងសៀវភៅប្រើប្រាស់យានយន្ត។
• ពិនិត្យមើលរថយន្តជាប្រចាំដើម្បីធានាថាវាគឺស្អាតទាំងខាងក្នុងនិងក្រៅ។
• ធ្វើការត្រួតពិនិត្យ ឃ្លាំងសំភារះរបស់ CPN+ ជារៀងរាល់ ១សប្តាហ៏ម្តង និងធានាថាក្នុងឃ្លាំងមានសណ្តាប់ធ្នាប់ល្អ។
• មានការសហការល្អជាមូយសន្តិសុខក្នុងការនាំភ្ញៀវដែលមកទាក់ទងអង្គការដើម្បីជូនអោយជួបជាមួយអ្នកដែលពាក់ព័ន្ធ។
• ទទួលខុសត្រូវក្នុងការទំនាក់ទំនង និងទទួលឯកសារដែលផ្ញើមកពីតាមបណ្តាខេត្តនានា​ និងបញ្ជូនទៅកាន់អ្នកដែលពាក់ព័ន្ឋអោយបានត្រឹមត្រូវ
• ថតចំលងឯកសារផ្សេងៗរបស់CPN+​និងកត់ត្រាលិខិតចេញចូលអោយបានត្រឹមត្រូវថែរក្សាម៉ាស៊ីនថតចំលងនិងសំភារៈប្រើប្រាស់ក្នុងការិយាល័យផ្សេងៗទៀតដើម្បីធានាអោយមាន ដំណើរការល្អ
• ការងារផ្សេងៗទៀតពេលមានតំរួវការ។

បេក្ខជនដែលមានចំណាប់អារម្មណ៍សូមផ្ញើប្រវត្តិរូបសង្ខេបនិងលិខិតបញ្ជាក់ការចាប់អារម្មណ៍តាមរយ:អ៊ីម៉ែល  ឬក៏ផ្ញើមកការិយាល័យរបស់ CPN+ ផ្ទាល់តាមរយៈអាស័យដ្ឋាន ដូចខាងក្រោម។ ឈប់ទទួលពាក្យនៅថ្ងៃទី៣១ ខែឧសភា ឆ្នាំ២០១៦ វេលាម៉ោង 5:00 ល្ងាចជាកំណត់ ។

CPN + ផ្តល់ឱកាសស្មើគ្នាចំពោះបេក្ខភាពទាំងអស់ ចំពោះក្រុមប្រជាជនប្រឈមមុខខ្ពស់ អ្នករងផលប៉ះពាល់ និងរស់នៅជាមួយមេរោគអេដស៍ត្រូវបានលើក ទឹកចិត្ត និងផ្តល់អត្តិភាព។

សម្រាប់ព័តមានបន្ថែមសូមទាក់ទងមកលេខទូរស័ព្ទខាងក្រោម។
មានតែបេក្ខជនបេក្ខនារីដែលបានជាប់សម្រាំងប្រវត្តិរូបសង្ខេប នឹងត្រូវបានទាក់ទងសំរាប់ការសំភាសន៍។
(បញ្ជាក់ៈ ប្រវត្តិរូបសង្ខេបនិងឯកសាដែលបានដាក់ពាក្យនឹងមិនត្រូវបានប្រគល់ត្រឡប់វិញទេ)